Orain dela gutxi arte antolatzen genituen jardunaldiak guztiz presentziala izan dira, mintegia jarraitzeko ezinbestekoa zen IMHra etortzea. Iaz BideoStreaming teknologiarekin zenbait mintegi Internetetik zuzenean emititzen hasi ginen, eta honekin bide bat zabaldu genuen edozein lekutatik eta sarearen laguntzaz mintegiak zuzenean jarraitzeko.

Honekin erronka bat gaindituko dugu, hau da, IMHra hurbildu ezin direnek jardunaldiaren zati batzuk ikusi eta entzun ditzakete, baina bigarren arazo bat konpondu gabe genuen: “parte hartzearena”.

Parte hartze kolaboratiboa: Txata

Jendearen parte hartzea bultzatzeko txat publikoa erabiliko dugu. Txat honetan parte hartzeko bi era daude:

• Txatean zuzenean mezua idatzi
• Twitter erabiltzailea bezara, twitteatu hashtag etiketa bat erabiliz (jardunaldi zehatz baterako etiketa ezberdinak). Txat sistemak twitter-eko mezuak jaso eta txatean publikatuko ditu. Orain arte egin ditugun proba saioetan, konturatu  gara batzuetan twitter-eko mezuak atzerapen txiki batekin publikatzen direla, beraz hau gertatuko balitz itxaron pixka batez mezua publikatuta ikusi arte.
  

Txat hau irekia izan arren, moderatua izango da.

“Markoa”, txatean parte hartzeko gida

Edonork izango du txatean mezua publikatzeko aukera, eta moderatua izango da

Areto nagusiko hizlariek txatetik egiten diren mezuak erantzun ditzakete ala ez. Kontutan izanik guretzat estraineko aldia  izango dela, ohitura sortzen joan beharra dugu eta beraz erantzuteko aukera libre utziko dugu.

Mahai-inguruko zein areto nagusiko hitzaldien galderen tartea iristen denean,  IMHko moderatzaile batek txatean azaldu diren mezuen artetik bat edo batzuk aukeratu eta hizlariari galderak egingo dizkie.

Goizean zehar hitzaldi bakoitzeko “ideia nagusiak” jaso eta IMHko facebook-en publikatzen joan gaitezke (jardunaldi batzuetan bai , beste batzuetan ez)

Sare Sozialak

IMH sare sozialetan estreinatu da, hemen dauzkazue gure kontuak, jarraitu nahi badezue

• Twitter: http://twitter.com/imh_elgoibar
• Facebook: http://www.facebook.com/imh.elgoibar