Dokumentu Akzioak
1.3.
Ordenagailutik telefonora deiak
Maila bat gorago
Aurretiaz aipatu dugun moduan, ordenagailutik ordenagailura egiten diren deien desabantailetako bat deia egiteko unean hartzaileak ere konektatuta egon behar duela da.
Gerta liteke hartzaileak ordenagailurik ez izatea, edota beti piztuta edo Internetera konektatuta ez izatea.
Zer egin dezakegu horrelakoetan?
Telefono arruntera –sakelakoa nahiz finkoa– deitzeko erabil dezakegu IP telefonoa.
Kasu horietan, deiak ez dira doakoak izango, deia IP saretik irten eta azken zatian telefono-operadoreen lineetatik igarotzen baita. Hala ere, deiak merkeagoak dira; batez ere, atzerrira egindako deiak. Era horretako deietan diru asko aurrez daiteke (kontuan izan behar da zer herrialdetara deitzen den eta zer VoIP zerbitzuren hornitzaile-konpainia aukeratzen den).
Gure ordenagailuetatik telefonoetara deitzeko aukera ugari daude; guk horietako bi aurkeztuko dizkizuegu: 
- Skype: Doako programa da. Skypeko erabiltzaileen artean egindako deiak doakoak dira, eta, gainera, aukera dago telefono arrunt finko eta sakelako telefonoetara dei nazionalak zein nazioartekoak egiteko, bai eta SMSak prezio onean bidaltzekoa ere.
- Softphone edo IP telefonoa, IP hornitzaile baten kontua konfiguratua duena: Kontu bat ireki behar dugu VoIP zerbitzuen hornitzaile batean (sarenet, altecom...), eta kontu horrekin softphonea edo IP telefonoa konfiguratuko dugu. Konfigurazio horren ondotik, telefonoetara egingo ditugun dei guztiak kontu horrekin ordainduko ditugu.
