2. Dokumentu baten hasierako orrialde zenbakia ezarri

Demagun  Microsoft Word erabiliz, dokumentu bat egin zenuela bere garaian, eta demagun ere dokumentu hori oso handia zelako, zatika egin zenuela, adibidez 5 dokumentu erabili zenituela lan guztia idazteko, eta dokumentu bakoitzean 100 orrialde idatzi zenituela, guztira 500 orrialdeko dokumentua.

Hau egin zenuenean, 2. dokumentuari esan zenion 100. orrialdetik hasten zela, eta horrela orri oinean agertzen den orrialde zenbakia, 100etik hasten zen. Berdina bestekin, hau da:

• 1. dokumentuaren 1.orrialdearen zenbakia: -1-

• 2. dokumentuaren 1.orrialdearen zenbakia: -100-
• 3. dokumentuaren 1.orrialdearen zenbakia: -200-
• 4. dokumentuaren 1.orrialdearen zenbakia: -300-
• 5. dokumentuaren 1.orrialdearen zenbakia: -400-

Demagun orain 2. dokumentua  OpenOffice-eko Writer-ekin zabaldu duzula, eta 1. orrialde zenbakia -1- izatea nahi duzula (ez galdetu zergatik, baina nahi duzu). Non esan behar diozu lehenengo orrialde zenbakia -1- dela, eta ez -100- ?

Estiloetan begira hasten bazara, ez duzu zenbaki jauzi hau aurkituko: paragrafo formatuan dagoelako, ez estiloetan. Gure esperientziaren arabera, dokumentuaren lehenengoko lerroan.

Trikimailua:

1. Joan zaitez dokumentuaren lehen lerrora.
2. Paragraforaren formatua editatu, irudian ikusten duzun bezala
3. Testu-Fluxuan ikusi ahal izango duzu orrialde jauzi bat dagoela, eta hor esaten zaiola zenbatgarren orrialde zenbakitik hasi behar den.
4. Txertatu gainean klikatu eta jauzia kentzen badiozu, aurrerantzean orrialdea 1 zenbakitik hasiko da.

Beste era bat ere badago antzerako emaitzak lortzeko, hemen dago (gaztelaniaz) dokumentatuta.

Next: Kanpoko dokumentazioa