Google Docs Google-ek eskaintzen digun beste zerbitzu bat da. Kasu honetan ofimatika on-lineko suite bat da.

Dokumentu berriak sor ditzakegu, igota daudenak editatu. Disko gogorrean ditugun artxiboak igo eta baita besteekin partekatu ere.

Ondorengo objektu motak sortzea ahalbidetzen digu:

• dokumentua
• kalkulu orria
• aurkezpena
• formularioak
• karpetak
  

Gure ekipora fitxategiak igotzea ahalbidetzen digu. Gaur egun onartutako formatuak: HTML, .txt, .doc, .rtf, .odt,.sxw, .ppt, .pps, .csv, .xls .ods, .pdf. Igotako fitxategiaren neurri murrizketa dago.

Google Docsera sarbidea

Jo dezagun zerbitzuaren orrira: Google Docs

1. Google kontua badugu (lehenago eskuliburuan sortu dugu bat , hortaz erabili egingo dugu). Gure Google kontuko erabiltzailea / pasahitza jarriko dugu.
2. Ez dugu Google konturik eta bat sortu nahi dugu. Hasi klikatu eta jarraitu urratsak google kontua lortu arte.

Demagun badaukagula Google kontua eta bertan sartu garela.

Testuak ingelesez aterako balira, gazteleraz jarriko genuke. Horretarako jo Settings delakora (goian eskuinean)

Hizkuntza gisa gaztelera aukeratuko dut eta bizi garen ordua ezarriko.

Orain gazteleraz daukagu Google Docsen interfazea.

Ikusten dugunez, oraindik ez daukagu inolako dokumenturik. Google Docsekin lan egiten hasi behar dugu.

Google Docsetik irten

Ez da nahikoa nabigatzailetik irtetea. Gure ostean norbait ekipoan sartuko balitz eta Google Docsera joko balu, gure fitxategi guztiak ikusiko lituzke.

Beti bezala, ondo irteteko Google kontutik irten behar da. Horretarako, goian, eskuinean, Irten aukera dago.

Objektu berri bat sortzeko, Berria klikatuko dugu eta hainbat aukera izango ditugu.

• Dokumentua: dokumentu berri bat (OOoo Writer (odt) edo Microsoft Office estilora)
• Aurkezpena: diapositiben aurkezpen bat (Impress edo PowerPoint estilora)
• Kalkulu orria: kalkulu orri bat (OOoo Calc edo Microsoft Excel estilora)
• Formularioa: formularioak sortu eta informazioa jasotzeko
• Karpeta: objektuak karpetetan antolatzeko
  
  

Testu dokumentu berri bat sortu

Berria klikatu: Dokumentua

Eta OOoo (Open Office) Writer edo Microsoft Word antzeko testu editorea agertuko zaigu. Tresna hauek eskaintzen dizkiguten aukeren gehiengoa daukagu. Dokumentu bat idazten hasiko gara.

Izenburu bat jarri behar diogu. Horretarako, “Titulurik gabe” delakoaren gainean ipini eta klikatu.

Nahi dugun dokumentuaren izena jarriko dugu. Adibidez: "lehenengo testu dokumentua"

Eta listo, badugu testu horren dokumentua.

Bi aukera ditugu dokumentuak gordetzen joateko.

• Gorde: orain arte egin ditugun aldaketak gordeko ditugu eta bertan lan egiten jarraituko dugu.
• Gorde eta itxi: momentuz bukatu dugu dokumentu honekin lan egiten eta itxi eta gorde egin nahi dugu.
  

Gorde eta Itxi klikatu dugu eta orain gure pantaila nagusian, sortu berri dugun dokumentua daukagula ikusiko dugu.

Editatzeko, bere gainean klikatu eta zuzenean edizio pantailara joango ginateke.

Nola igo ikusiko dugu.   aukera daukagu:

Beste web orri batera eramango gaitu eta hortik nahi dugun fitxategia igo ahal izango dugu. Momentu honetan, ondorengo murrizketak ditugu fitxategi bat igotzeko:

• Dokumentuak (gehienez 500 KB)
  
• HTML artxiboak eta formaturik gabeko testuak (.txt)
• Microsoft Word (.doc), aberastutako testua (.rtf), OpenDocument testua- Open Office Writer (.odt) eta StarOffice (.sxw)
  
• Aurkezpenak (10 MBeraino ekipotik, 2 MBeraino Internetetik eta 500 KBeraino posta elektroniko bidez)
  
• Microsoft PowerPoint (.ppt, .pps)
• Kalkulu orriak (MB 1 gehienez)
  
• Komez banandutako balioak (.csv).
• Microsoft Excel artxiboak (.xls) eta OpenDocument - Open Office Calc(.ods) kalkulu orriak.
• PDF artxiboak (10 MBraino zure ekipotik eta 2 MBraino Webetik)

Bi modu daude fitxategia igotzeko: ohiko moduan, eta horretarako egokitu zaigun helbide elektroniko batera bidaliz.

1. aukera: ohiko moduan igo fitxategia

Fitxategia gure ekipotik igotzeko aukera ematen digu (Aztertu) edo interneten topatu dugun eta interesatzen zaigun fitxategiaren URLa ezartzeko.

Gainera fitxategiari izena jar diezaiokegu. Ezer jartzen ez badugu, igotzen ari garen fitxategiaren izena ipiniko du.

2. aukera: Artxibo eta dokumentuak posta elektroniko bidez igo

Aukera honek ez du funtzionatzen kalkulu orriekin eta PDF dokumentuekin. Gainontzeko artxibo motekin bai.

Horretarako egokitu zaigun posta helbidera bidali behar da posta (email helbide hau guretzako propio sortu da eta ez da komeni inork ezagutzea).Esta opción no funciona con hojas de cálculo y documentos PDF.

• Eranskinik gabeko mezua idazten badugu: Google Docsen dokumentu berri bat sortuko zaigu. Bere izenburua mezuaren gaia izango da eta edukia testuko mezua.
• Mezu bat eranskinekin idazten badugu (fitxategiren bat eransten dugu): dokumentua bateragarria behar du izan. Posta jasotzerakoan sistemak egiten duena zera da: erantsitako bakoitza HTML formatura pasatu eta anexoetariko bakoitzeko dokumentu berria sortu Google Docsen. Bakoitzaren izenburua erantsitakoaren izenburuarekin bat dator.
  

Adibidea:

Gure posta elektronikora jo eta egokitu zaigun helbidera mezu bat bidaliko dugu. Anexo gisa Google Docsera igo nahi dugun fitxategi bat jarriko dugu. Kasu honetan "plone3 tailerra.odt" deituriko fitxategi bat ari gara bidaltzen.

Behin mezua bidalita, gure Google Docs kontura joko dugu eta bertan posta elektroniko bidez bidali berri dugun fitxategi berria agertuko da han.

Ireki egingo dugu eta aldatu, gorde eta nahi dugun guztia egitea genuke berarekin.

Google Docsen sartzen garenean, hasierako pantaila agertuko zaigu.

Ezkerreko partean (2), gure dokumentuen sailkapenak ditugu eta eskuinaldean (1) ezkerreko mailaketatik eratorritako dokumentuak zerrendatuta agertuko dira.

Fitxategiei buruzko informazioa (eskuinaldean)

• Izena zutabea, non dokumentuaren izena agertzen den.
• Karpetak/Erabilera partekatua Zutabea: berdez ikusiko ditugu dagoen karpetaren izena (baldin eta karpetaren batean badago) eta dokumentu hau partekatzen duten erabiltzaileak.
• Data zutabea: azken aldaketaren data.

Berez, dokumentuak dataren arabera ordenatuta ageri dira, berrienetik hasita. Baina zutabearen izenburuan klikatuz gero, zutabe horren arabera ordenatuko ditugu. Bilaketa ordena biratu nahi badugu, zutabean klikatuko dugu berriz ere.

Dokumentu guztiak

• Jabea naiz: zein dokumenturen jabeak garen erakutsiko digu.
• Nik irekia: guk ireki ditugun dokumentuak.
• Izarraz markatuak: dokumentuak izar batez marka ditzakegu, garrantzitsuak deritzogunean edo nahi dugun beste edozein arrazoigatik. Hemen soilik izarraz markatu ditugunak ikusiko ditugu. Hemen izar batez markatu ditugun fitxategi bi ikusiko ditugu (izarrean klikatuz aktibatu egiten da).
  

Izarraz Markatuak zerrendara joz gero, fitxategi bi horiek soilik agertzen direneko zerrenda ikusiko dugu:

• Ezkutua: dokumentu bat ezkutu moduan marka dezakegu (menuko Ezkutatu botoia) eta bakarrik karpetan eta dokumentu Guztien ikuspegi honetan agertuko da: Ezkutua.
• Paperontzia: lehenago ezabatu ditugun dokumentuak. Paperontzira bidaliko dira. Paperontzitik betiko ezabatu ditzakegu edo berriro berreskuratu.
  

Hemen dugu ezabatuko dugun dokumentua. Aukeratu eta paperontzira bidaliko dugu (Ezabatu).

Jo dezagun Elementu Guztietara: Paperontzia (Todos los elementos: Papelera ) eta bertan paperontzian dauden elementu guztiak ikusiko ditugu. Bi aukera ditugu:

Paperontzia hustu (Vaciar la papelera) (1): dokumentu GUZTIAK betiko ezabatzen ditugu eta Desegin ezabaketa (2): aukeratuta ditugun fitxategiak berriro ere eskuragarri utziko ditugu, paperontzitik atera eta aktibo egotera pasako dira.

Paperontzia hustea aukeratzen badugu, badaezpada ziur gauden galdetuko digu.

Eta listo, dagoeneko ez dugu elementurik paperontzian.

Gordetako bilaketak

Dokumentuetan bilaketak egitea ahalbidetzen du. Gainera, bilaketak sortu eta gorde ditzakegu. Geroago ikusiko dugu gordetako bilaketen kontu honek nola funtzionatzen duen.

Karpeta guztiak

Karpetatan ordenatutako dokumentuak. Karpeta jakin batean klikatuz gero, karpeta horren barruan dauden dokumentuak ikusiko ditugu. Geroago karpetak nola sortu eta dokumentuak karpeta batera nola mugitu ikusiko dugu gainetik

Elementuak motaren arabera

Dokumentu motaren araberako ikuspegia lortzen dugu, PDF izan daiteke, dokumentu hutsak, aurkezpenak edo kalkulu orriak.

…rekin partekatua

Partekatzen dituzten pertsonen arabera antolatutako fitxategiak. Dokumentuak besteekin parteka ditzakegu (gero ikusiko dugu nola egin). Ikuspegi honetan begirada batean ikusiko dugu zeintzuk diren erabiltzaile jakin batekin partekatutako dokumentuak.

Gordetako Bilaketak aukeran, ondorengo aukera daukagu: Ikusi bilaketen aukerak

Pantaila hau irekiko zaigu. Bertan baldintza desberdinak jar ditzakegu. Kasu honetan, eta adibide gisa, txirrindularitza hitza duten dokumentu guztiak eduki nahi ditugu dokumentuan.

Hitzak ditu (Contiene las palabras) aukeran txirrindularitza jarriko dugu:

Bilaketa hau gorde (Guardar esta búsqueda) klikatu eta txirrindulari izenaz gordeko dugu (edozer gauza jar genezake, ez du zertan bat etorri Hitzak ditu - Contiene las palabras esparruarekin)

Orain Gordetako Bilaketak delakoan, txirrindularitza deritzon bilaketa dugu. Bertan klikatuz gero, eskuinaldean bilaketa horren emaitzaren zerrenda azalduko zaigu.

Orain txirrindularitza hitza daukan dokumentu berri bat sortuz gero:

Eta Gordetako Bilaketak ( Búsquedas guardadas)  delakora joz gero: txirrindularitza, sortu berri dugun fitxategi hau ere bertan dagoela ikusiko dugu:

Beste bilaketa bat ere sor dezakegu: Bilaketa aukerak Erakutsi (Mostrar opciones de búsqueda)

Oraingo honetan, betaurrekoak bilatuko dugu eta betaurrekoak izenarekin gordeko dugu:

Orain gordetako bilaketa bi izango genituzke eta edozein unetan kontsulta genitzake:

Gordetako bilaketa bat ezabatzeko

Ezabatu nahi dugun gordetako bilaketaren gainean jarriko gara, eskuineko botoia sakatu eta irekiko den menuan: Ezabatu

Eta listo, ezabatuta dago, orain soilik txirrindularitza gordetako bilaketarekin geldituko ginateke.

Karpeta berri bat sortu

Berria: Karpeta ( Nuevo: Carpeta)

Karpetari izena eman eta deskribapen bat ezarriko diogu:

Listo, karpeta berria daukagu Karpeta Guztien ikuspegian.

Dokumentua karpeta batean sartu

Dokumentua aukeratu eta Mugitu klikatu:

Leiho bat irekiko da eta bertan dokumentua zein karpetatan sartu nahi dugun aukeratu ahal izango dugu.

Eta listo, dokumentua karpeta horren baitan daukagu.

Dokumentu bat beste karpeta bati erantsi

Dokumentu bat karpeta askotan izan dezakegu. Lehenagoko fitxategi bera aukeratuko dugu eta Hona mugitu: klikatuko dugu. Bertan fitxategia sartu nahi dugun bigarren karpeta aukeratuko dugu.

Orain fitxategia bi karpetatan dago:

Fitxategi bat karpeta batetik atera

Dokumentua atera nahi dugun karpetara jo behar dugu.

Behin karpetan, ezabatu nahi dugun fitxategia aukeratuko dugu eta Mugitu (Mover) klikatuko dugu: Karpeta hau ezabatu ( Eliminar de carpeta actual) eta Karpetatik Ezabatu (Eliminar de carpeta) botoia sakatuko dugu.

Listo

Dokumentu pila bat dauzkagu. Orain jende gehiagorekin kolaboratu nahi badugu, dokumentuetako batzuk parteka ditzakegu hainbat kolaboratzaileren artean lan egiteko edo hainbat erabiltzaileri irakurtzeko aukera eskaini ahal izateko. Are gehiago, web orri bat balitz moduan argitaratzeko aukera ere badugu. Ikusiko dugu nola.

Beste ezer baino lehen, izan ditzakegun baimenak ezagutuko ditugu:

• Jabeak: dokumentuaren jabea. Edozein dokumentu mota editatu edo ezaba dezakete. Baita beste kolaboratzaile eta irakurle batzuk gonbidatu ere. Kolaboratzaile eta irakurleen sartzeko baimena ezaba dezake. Kontutan hartu beharrekoa: dokumentu, aurkezpen edo kalkulu orri bat guztiz ezabatzeko eta elementu horretarako sarbide baimena ezabatzeko, lehenengo ezabatu eta gero paperontzia hustu behar duzu.
• Kolaboratzaileak: dokumentuak, kalkulu orriak eta aurkezpenak edita ditzakete. Beste kolaboratzaile edo irakurle batzuk gonbidatu edo ezabatu ditzakete (jabeak baimena eman badie). Beraien tokiko disko gogorrera dokumentuaren, kalkulu orriaren edo aurkezpenaren kopia bat esporta dezakete.
• Irakurleak: dokumentu baten, kalkulu orri baten edo aurkezpen baten bertsio gaurkotuena ikus dezakete, baina aldaketarik egin gabe. Beraien tokiko disko gogorrera dokumentuaren, kalkulu orriaren edo aurkezpenaren kopia bat esporta dezakete.

Google kontuekin sarbidea

• Dokumentuak eta kalkulu orriak: argitaratu badira edo gonbidapen baten bidez sartu bada haietan, edozeinek ikus ditzake Google konturik gabe.
• Aurkezpenak: argitaratu badira, edozeinek ikus ditzake. Erabiltzaile bat gonbidatzen bada, Google kontu bat behar da.
  

Dokumentuak nola partekatu

Dokumentu bat partekatzeko modu bi daude: dokumentuen zerrendatik edo zuzenean dokumentu, kalkulu orri edo aurkezpen batetik.

Dokumentuen zerrendatik partekatzeko:

1. Dokumentuen zerrendan partekatu nahi ditugun fitxategiak aukeratu behar ditugu, eta Partekatu botoiari eman.
   
2. Irekiko zaigun pantailan, erabiltzaileen posta elektronikoaren helbidea idatziko dugu edo erantsi nahi ditugun posta zerrendak.
3. Ireki daitekeen zerrendan kolaboratzaile gisa (kolaboratzaile bezala gonbidatu nahi baditugu) edo irakurle gisa (irakurle bezala gonbidatu nahi baditugu) aukeratuko dugu.
   
4. Mezu bat idatziko dugu erabiltzaileei zer ari diren jasotzen azaltzeko. Klik egingo dugu Gonbidapena Bidali (Enviar invitación)delakoan (hautazkoa). Gaur egun PDF dokumentuak dokumentuen zerrendatik bakarrik parteka daitezke, ez aldez aurretiko ikuspegitik.

Zuzenean dokumentu edo aurkezpen batetik partekatu:

Dokumentu baten baitan gaude, hura ari gara ikusten, eta hemendik bertatik ere parteka dezakegu.
irakurleek dokumentuen zerrendatik sartu ahal izango dute dokumentura, baina ez dute posta elektronikoz gonbidapenik jasoko.
Kalkulu orri batetik zuzenean partekatzeko:

1. Klikatu Partekatu > beste erabiltzaile batzuekin partekatu.
   
2. Kolaboratzaile gisa edo irakurle gisa aukeratu.
3. Erabiltzaileen posta elektronikoaren helbidea idatziko dugu edo erantsi nahi ditugun posta zerrendak.
   
4. Klikatu Kolaboratzaileak gonbidatu edo Irakurleak gonbidatu. 
5. Gonbidapenari mezu bat erantsi nahi badiogu, pantailan ageri den laukian txertatuko dugu testua eta Bidali klikatuko dugu. Gonbidapenik bidali nahi ez badugu, Ezeztatu klikatu. Gure kolaboratzaile eta irakurleek dokumentuen zerrendatik sartu ahal izango dute dokumentura, baina ez dute posta elektronikoz gonbidapenik jasoko.
   

Kalkulu orri batetik zuzenean partekatzeko:

1. Klikatu Partekatu > Erabiltzaileak Gonbidatu.
2. Editatzeko edo Ikusteko aukeratu.
3. Posta elektronikoaren helbidea idatziko dugu edo erantsi nahi ditugun posta zerrendak.
   
4. Nahi izanez gero, mezu bat idatzi ahal izango dugu eta hau dokumentua partekatzen dugun pertsonei iritsiko zaie. Klikatu Bidali. Gonbidapenik bidali nahi ez badugu, klikatu Erantsi gonbidapenik bidali gabe (Añadir sin enviar invitación). Gure kolaboratzaile eta irakurleek dokumentuen zerrendatik sartu ahal izango dute dokumentura, baina ez dute posta elektronikoz gonbidapenik jasoko.
   

Dokumentuen Partekatzeari buruz gehiago jakin nahi izanez gero, hemen daukagu Google Docsen Documentuak partekatu eta kudeatzeko Tutoretza

Ikus dezagun nola funtzionatzen duen dokumentu baten historialak delakoak adibide batekin.

Dokumentu berri bat sortuko dugu: Berria: Dokumentua ( Nuevo : Documento)

Ezer baino lehen izenburua jarriko diogu. Klikatu “ Titulurik gabe ” gainean.

Dokumentuari jarri nahi diogun izena ipiniko dugu:

"Historialdun dokumentua " deitu diogu. Dokumentua editatuko dugu eta lerro bat idatzi. Horren ostean, Gorde eta Irten ( Guardar y Salir)  klikatuko dugu.

Dokumentua berriro irekiko dugu:

Eta beste lerro bat gaineratuko dugu. Gero (Gorde eta itxi) klikatuko dugu (Guardar y cerrar)

Beste behin, orain hirugarren lerro bat. Hau guztia gaur egin dugu egun berean, baina apur bat errealagoa izan litzateke fitxategiaren aldaketak hainbat egunetan zehar egingo bagenitu.

Demagun erratu egin garela eta aurreko fitxategia berreskuratu nahi dugula. Nola egin dezakegu? Artxiboa editatuta izanik, Artxibo: Gainbegiratzeen historiala (Archivo: Historial de revisiones) klikatuko dugu.

Dokumentu honen historialaren zerrenda irekiko zaigu:

Gainbegiratzeetako bat aukeratuko dugu, adibidez, 3a. Gainbegiratze estekaren gainean klikatuko dugu eta gainbegiratze horretan zegoen egoeran irekiko zaigu dokumentua. Ondorengo aukeren artean aukeratu ahal dugu:

• 1: Aurrekoak: aurreragoko gainbegiratze batera jo
• 2: Azkenak: pantailan daukagun gainbegiratzea baino berriagoa den batera jo.
• 3: Hau berreskuratu: pantailan daukagun gainbegiratzea ontzat daukaguna da.
• 4: Gainbegiratzeen historialera itzuli: dokumentuaren gainbegiratze eskuragarri desberdinak dituen zerrenda ikusten dugun goiko pantailara itzuliko gara.
  

Hau Berreskuratu (Recuperar Esta) klikatu badugu, ziur gauden galdetuko digu:

Eta listo. Berreskuratu dugu fitxategia nahi genuen egoeran.

Dokumentua kalkulu orri baten artxiboa denean, gainbegiratzeen historialaren pantaila ezberdina da, baina funtzio berberak ditu.Historial de revisiones es un tanto diferente, pero con las mismas funciones.

Lehenengo eta behin, kalkulu orri berri bat sortu behar dugu. Bertan jendeak inkestan erantzun duena ikusiko dugu:

Berria: Kalkulu orria (Nuevo: Hoja de cálculo):

Dokumentuari izena jarriko diogu, adibidez: Blogari buruzko inkesta (Encuesta sobre el Blog)

Behin dokumentu barruan gaudenean, ondorengoa klikatuko dugu: Formularioa: Sortu formularioa (Formulario: Crear un formulario):

Hemen galderak sartzeko aukera daukagu:

Testa betetzen duen pertsonari Izena eta Abizena - Nombre y Apellidos galdetuko diogu (bete nahi badu).

Goian galdera bat geratu zaigu konturatu gabe. Hauetako edozeinen gainetik pasatuz gero, eskuinaldean 3 aukera agertuko zaizkigu: editatu, bikoiztu eta ezabatu.

Ziur gauden galdetuko digu: Bai.
Testu tipoko beste galdera bat erantsiko dugu:

Pertsonaren emaila:

Beste galdera bat gehiago, kasu honetan Test modura:
Bloga interesgarria iruditzen zaien galdetuko diegu eta aukeratzeko 3 aukera emango diegu:
Eta beste galdera bat, Paragrafo Modura hau, bertan beraien iritzia eman ahal izateko:

Behin formularioa bukatu dugunean, Gorde klikatu:

Orain formularioa bidaltzea faltako litzateke, edo lekuren batean jartzea jendea betetzen has dadin.

Formulario aukerak

• 1: Formularioa Editatu (Editar formulario): galdera batzuk erantsi / ezabatu/ aldatzeko
• 2: Formulariora jo zuzenean (Ir al formulario en directo): besteek nola ikusiko duten eta nola bete behar den ere ikusi ahal izango dugun orri batera eramango gaitu.
• 3: Formularioa txertatu (Insertar el formulario): HTML kode bat emango digu formularioa gure blogean, web orrian… txertatu ahal izateko.
• 4: Laburpena erakutsi: bildutako erantzunen laburpen txiki bat ikusiko dugun orrialdera eramango gaitu.
• 5: Erantzunak onartu: berez aktibatuta dago, erantzunak batu baitaitezke. Erantzun gehiago ez onartzea nahi badugu, bereizi eta listo.
• 6: Formularioa ezabatu: formularioa ezabatuko dugu, baina batutako datuen kalkulu orriak aktibo jarraitzen du eta bildutako datuak ikus ditzakegu.
• 7: Formularioa bidali: jendeari formularioa posta elektronikoz bidali ahal izateko.

Formularioa bidali besteek bete dezaten

Kalkulu orritik, Formularioa aukeratuko dugu: Bidali formularioa (Formulario: Enviar el formulario) eta inkesta nori bidali nahi diogun erabakitzeko aukera eskainiko digu:

Pertsona horiek posta elektronikoan jasoko dute inkesta (horrela erabaki badugu) eta, gainera, ondo ikusteko aukera ez badute (posta elektronikoko bezeroaren arabera), inkesta bete ahal izango duten web helbidea ere badaukate:

Jendeak inkesta betetzen duen heinean, guk kalkulu orrian biltzen joan diren datuak ikusiko ditugu:

Gainera, lehen komentatu dugun bezala, kalkulu orrian Formularioa: Laburpena Erakutsi (Formulario: Mostrar Resumen) aukeratzen badugu, zenbait formulario eta bestelakoekin biltzen joan diren datuen laburpen bat ikusiko dugun orrira eramango gaitu.

Listo, posible dugu inkestak egin eta haien emaitzak biltzea. Ez da zaila, ezta?